Pilason ang isa ka lalaki matapos nga ginbuno sang bulang sa Purok 6, Brgy 1, Kabankalan City, Negros Occidental, las-4:35 sang hapon, Oktubre 1, 2024.
Ginkilala ang biktima nga si Rolan Madalag, 51-anyos, vendor kag residente sang Sitio Utod, Brgy Hilamonan, Kabankalan City. Samtang ang suspek ginkilala nga si James Terre, 39, kag residente naman sang Phase 5, Brgy. 1, Kabakalan City.
Santo sa imbestigasyon sang Kabankalan City Police Station, samtang pasulod sa isa ka ka kapehan ang biktima hinali ini nga ginbuno sang suspek sa iya likod gamit ang bulang. Nakapalagyo ang biktima kag nakapanago sa naka-park nga salakyan. Samtang nalagyo naman ang suspek apang nadakpan man sang ulihi kag priso karon sa police station.
Samtang yara naman sa estable nga kondisyon ang biktima. Santo sa imbestigasyon, may indi nap ag-intsindihanay ang duha antes pa man natabo ang krimen.
