Nagsumpa na si 5th District Congressman Atty. Dino Yulo sa idalum sang Lakas CMD kahapon nga adlaw, Oktubre 3, 2024.
Sa interview sang DYHB kay Atty. Yulo iya ginpahayag nga nakabaton siya sang imbitasyon sang Oktubre 2, nagikan kay House Speaker Martin Romualdez nga magsumpa ini dalum sang Lakas CMD kag karon ginakabig bilang official candidate sang Partido.
Nagapasalamat man ini sa suporta nga ginhatag sang House Speaker nga suno kay Yulo pabor para sa 5th district kag right and timely ang pag-imbitar sa iya.
Ginalauman nga magafile sang iya certificate of candidacy (COC) si Atty. Yulo sa sabado ukon domingo matapos ang iya mga dokumento.
Madumduman nga independent candidate si Atty. Yulo sa iya pagpadalagan sang mga nagliligad nga mga eleksyon kag ini ang una nga kahigayunan nga magapapili siya sa idalum sang isa ka Political Party.
