Nagtaliwan ang isa ka 38-anyos nga lalaki matapos nga ginaalegar naglumpat sa pier pasado las-12 sang udto, Oktubre 6, sa bahin sang San Carlos Port, sa nasambit nga ciudad.
Sa report sang Philippine Coast Guard (PCG) San Carlos, ginkilala ang biktima kay Rasario E. Tabio Jr., 38-anyos.
Sa inisyal nga impormasyon, nahibaluan nga ang biktima naglakat pakadto sa edge portion sang pantalan malapit sa LS San Carlos kag gilayon nga naglumpat sa tubig.
Dugang pa, nasapwan na lamang sang security guard sa nasambit nga pantalan upod sang mga katapo sang CDRRM nga nagalutaw-lutaw sa baybayon ang biktima.
Gilayon pa kuntani nga gindala ang biktima sa San Carlos City hospital apang gindeklarar ini nga dead on arrival.
