Nag-mando ang Israeli Defense Forces (IDF) sa mga pumuluyo sa Beirut, Lebanon nga mag-evacuate sa tunga sang naga-taas nga tensiyon sa tunga sang duha ka pungsod.
Nagapadayon ang operasyon sang Israel sa Lebanon samtang ginahibalo sang mga lideres ang ila mangin balos nga long-range attack sa Iran, kun sa diin ginatos ka mga missile ang ginpalupok sa pungsod, suno kay Israel Ambassador Danny Danon sa United Nations.
Suno sa Iran, ang wala pa gid matabo nga pag-atake amo ang pagtimalos sa pagpamatay nga ginhimo sang Israel sa sulod sang nagligad nga pila ka semana nga nagapuntirya sa Hezbollah, lakip ang lider nga si Hassan Nasrallah.
Suno sa Israeli security official, ang kalabanan sang mga missile ang na-intercept kag gina-ihibalo sa karun ang kalapadon sang kahalitan tuga sang amo nga pagpang-atake.
