Isa ka retired nga negosyante sa Sao Paolo Brazil ang mato-mato nga nagpananom sang puno sa ila lugar sa sulod sang duha ka dekada.
Si Helio da Silva ang nagtanom sang kapin 41,000 ka mga puno agud mag ubra sang isa ka park.
Nagatakos ini sang 3.2-kilometers ang kalabaon kag 100-meter-nga kalaparon sang kakahuyan sa mismo tunga sang duha ka mga dalan.
Ini ang Tiquatira Linear Park, isa ka anay abandonado kag mahigko nga lugar kag gin-transform agud mangin isa ka matawhay nga park.
Isa ka successful nga business executive si Helio apang sang nag-retire ini nag-focus na ini sa pagpananom sa diin tuig 2003 sang iya ini ginsugdan.
Karon, 73 years old na si Helio kag luyag niya magbilin sang legasiya sa ciudad samtang buhi kag makasarang pa siya.
