Ginakabig ni Bacolod City Vice Mayor El Cid Familiaran nga dako nga factor ang winnability, ethical standards kag track record sang iya mangin running mate para sa 2025 midterm elections kon pananglitan magapapili ini bilang alkalde sa ciudad sang Bacolod.
Sa interview sang DYHB sa bise alkalde, ginpahayag sini nga apisar indi ma-kompleto ang iya line-up, kumpyansa siya nga respetado kag may maayo nga track record ang iya mga kaalyado nga kandidato.
Sa karon, ginahulat pa sang bise alkalde kun maga-upod sa iya partido ang ila napili-an nga kwalipikado nga kandidato sa posisyon sang bise alkalde.
Samtang, nagapasalamat naman si Familiaran sa suporta ni Abang Lingkod Party List Representative kag 3rd District Caretaker Congressman Stephen “Caraps” Paduano nga nagapati sa iya ikasarang nga padayunon ang pagbag-o sa Bacolod. Subong nga adlaw, maga-file sang iya certificate of candidacy (COC) si Familiaran.
