Ginakalipay ni Councilor Kalaw Puentevella ang mga sugilanon kun sa diin nagaguwa ang pangalan sini nga mangin Bise-alkalde sa ciudad sang Bacolod.
Sa interview sa DYHB sa konsehal iya ginpahayag nga nagakatandog ini sa mga pagpati sa iya ikasarang apang ang desisyon angut sa posisyon nga padalaganan sini ang ginatugyan Mayor Albee Benitez.
Suno kay Puentevella nga magahulat siya sang announcement nagikan kay Benitez bilang lider sang grupo angut sa line up sang Team Asenso.
Dugang pa sang konsehal nagapasalamat ini sa mga tawo nga nagatib-ong kag nagaupod sa iya humalin nagsulod siya sa politika sang naga-upod ini sa iya amay nga si Monico Puentevella nga nagserbe man bilang Alkalde kag Congressman sang Bacolod.
