Mangin five-cornered fight ang congressional race sa Bacolod para sa 2025 elections. Ini matapos nga nadayon ang switch sa tunga ni incumbent Mayor Albee Benitez kag Cogressman Greg Gasataya.
Kahapon nag-file na sang iya certificate of candidacy (COC) si Benitez para sa pagka-congressman sang lone district sang Bacolod. Buot silingon, liwat sila maga-atubangay ni former Mayor Bing Leonardia, nga nangin kasumpong man niya sang 2022 elections sang nagpadalagan ini alkalde sang Bacolod.
Atubangon naman ni Benitez kag Leonardia ang tatlo pa nila ka mangin kontra nga nag-file man sa pagka-congressman nga sanday Romy Gustilo nga anay seaman, Ed Gulmatico nga anay OFW kag author kag Roger Abanid nga nagfile man sang COC kahapon nga adlaw.
