First time in the history sa banwa sang Isabela nga maga-isa ang tandem nanday Yulo kag Malabor sa palaabuton nga Midterm Election 2025 sa tunga sang malawig nga tinion nga sila ang magkasumpong sa politika.
Ginpakigbahin ni Aspirant Isabela Mayor Miguel ‘Migs’ Yulo nga mangin kaupod niya sa pagpapili amo si Former Vice Mayor JR Malabor sa pagkabise-alkalde, samtang nanday Randy Candelario, Dadilos Española Jr., Wilfredo Flores, Francis Malabor, Ryan Uy, Arjay Ansag kag Nico Adrian Vasquez sa pagka-Sangguniang Bayan Member sa banwa, nga lunsay sila ang yara sa idalom sang Lakas-CMD political party.
Pila sa mga programa nga luyag hataganan ni Yulo sang pagtamod, amo ang paghatag sang livelihood sa mga pumuluyo sa banwa ilabi na sa mga apektado nga mga indibidwal antes ang tiempo galing, pagatapuson pakay-o ukon pasemento sa mga dalan, kag paghatag sang nagakaigo nga educational assistance.
Nagpasiguro si Yulo nga siya ang hapos palapitan sa problema ukon sa kamayuhan man, kag ang desisyon nga magpapili bilang alkalde ang indi personal nga interest ukon handom niya, kundi handom sang pumuluyo.
Suno naman kay Malabor, nag-isa sila sa grupo ni Yulo para sa mga pumuluyo sang banwa kun sa diin kinahanglanon ang ila bulig kag paghiliusa.
