Masobra isa ka libo ang security personnel ang iga-deploy sa Masskara Festival 2024. Kahapon ginpatigayon na ang send-off ceremony sa 25 porsyento sa mga security personnel. Ini ang ginabug-usan sang 1,199 personnel halin sa Philippine National Police (PNP), 330 sa iban pa nga mga ahensiya, 230 ka mga force multipliers kag 100 naman sa mga rescue groups kag City Disaster Risk Reduction Management Office.
Nagapahanumdom naman sa Police Regional Office 6 Director, PBGEN Jack Wanky, sa mga kapulisan nga indi ordinary nga selebreasyon ang Masskara festival bangud importante ang ila obligasyon sa pagpasiguro sang seguridad sang publiko.
Nag-request na ang PRO-6 para sa gun ban sa Bacolod halin Oktubre 11 tubtob 28. Karon sa hapon, patigayunon na ang Grand Countdown Salubong sa Bacolod City Government Center.
