Patay ang isa ka lalaki matapos gintiro sang wala pa nakilala nga suspek sa North Capitol Road, sakop sang Brgy. 6, Bacolod City pasado las-8 sang gab-i, Oktubre 10, 2024.
Sa karon wala pa man nakilala ang biktima apang sa inisyal nga pagpangusisa sang DYHB, nagatrabaho ini sa mall nga nahamtang sa nasambit nga lugar. Sa pag-usisa man sang DYHB sa isa ka babayi nga nagabaligya sa kilid sang mall, ginhatagan pa sini sang buko juice ang biktima antes ini gintiro sang suspek.
Suno naman kay Police Major Eugene Tolentino, commander sang Police Station 2, santo sa nakita nila sa CCTV, ang suspek una nga nagasakay sa motorsiklo kag gin-park niya ini sa punta kag nanaog diri kag ginpalapitan ang biktima kag gintiro sang isa ka beses. Nagapadayon sa karon ang imbestigasyon sang Police Station 2 sa krimen.
