Nangin madinalag-on ang ginpatigayon nga duha ka adlaw nga donation campaign sang Technological University of the Philippines-Visayas (TUPV), RMN Bacolod, Barangay Zone 12 at Talisay City LGU umpisa kahapon October 9 tubtob karon nga adlaw October 10.
Subong nga adlaw, nag-donate sang dugo ang pila ka mga empleyado sang Talisay City kag pila ka nga barangay personnel sa ciudad.
Nagbuylog kag naghatag man sang dugo kaina si Talisay City Chief of Police Lt.Col. Salvador Trono kag kapin 10 pa ka mga police personnel.
Sa interview sang DYHB, ginpahayag sini nga ginakalipay niya ang regular nga pagdonar sang dugo bangud luyag niya buligan ang mga nagakinahanglan sini.
Kahapon, nag-donate man ang mga katapo sang Philippine Coastguard Northern Negros kag Philippine Army.
Upod sa ini nga aktibidad amo ang The Negros First kag Philippine Red Cross.
Agud madugangan pa ang mga makuha nga dugo, nag-donate man ang pila ka mga empleyado sang DYHB RMN.
