Kapin 500 grams nga ginapatihan shabu narekuber sang City Drug Enforcement Unit (CDEU) kag PS8 sa isa ka suspek sa drug buy bust operation sa Prk. Hollowblocks, Barangay Sincang Airport syudad sang Bacolod pasado las-10 sang gab-i, Oktubre 13, 2024.
Ginkilala ang suspek nga si Kenn Tecson alyas “Biboy” kag residente sang Paho Street Capitol Heights, Barangay Villamonte, Bacolod City.
Sa impormasyon nga nakuha sang DYHB kay PLt. Col. Antonio Benitez Jr., Head sang CDEU sang BCPO, nagabalor sang P3.4-M ang nasambit ginapatihan nga shabu. | DYHB News
Juliet
Juliet Alimodian Panes
LOCAL NEWS/ OCT. 14
BACOLOD CITY- Narekober sang Bacolod City Drug Enforcement Unit (CDEU) ang ₱612,000 nga balor sang ginapatihan shabu, Sabado nga adlaw, pasado las-8 sang gab-i, Oktubre 12 sa Purok Kalingawan, Sitio Sibucao, Barangay Banago sa ciudad sang Bacolod.
Base sa rekord sang CDEU, ang suspetsado ang ginkilala nga si alias Lourdes kag residente sa amo nga lugar.
Natigayon nga makuha sa suspetsado ang kapin 90 ka gramo sang illegal nga droga.
Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 si Lourdes.