Natigayon na nga mapull-out sa Bacolod City Public Plaza ang ginpahamtang nga peryahan matapos nga ini ang ginkwestyon kag ginpausisa ni Mayor Albee Benitez. Ginkompirmar ni City Legal Officer Atty. Romeo Carlos Ting Jr., nga wala sang nagakaigo nga permit ang operator nga magpahamtang sang peryahan sa lugar.
Tuyo pa kuntani sang operator nga mag-proseso sang ila nga permit apang ini ang ginbalabagan na sang alkalde.
Nahibaluan nga sa idalom sang Yuhom Foundation naga-agi ang pila ka pagpahanugot sa kaangay nga negosyo kadungan sa pag-selebrar sang Masskara Festival 2024.
Ang pagpull-out sang peryahan ang nangin resulta matapos nga ginpausisa sang alkalde ang pagpahamtang sang amo nga peryahan ilabi na nga ini ang malapit sa San Sebastian Cathedral.
