Isa ka baby sa Great Britain ang ginbata nga daw palad lang ka tawo ang iya sini kadakuon.
Si Baby Robyn ang ginbun-ag sang iya iloy sang Marso 2023 sa Grange Hospital sa Torfaen sa Wales,Great Britain sa diin nagabug-at lang ini sang 11 oz ukon 328 grams.
Isa sa mga nakita nga rason amo bangud 23 weeks lang ini gindala sang iya iloy sa iya tiyan, “premature” sa simple nga istorya.
Apisar amo ini ang sitwasyon ni Baby Robyn, wala sa gihapon nadulaan sang paglaum ang iya iloy nga si Chantelle kag amay nga si Daniel.
Agud ma-sustiner ang pagkinahanglanon ni baby Robyn para sa iya pag-ayo, may ginpatigayon man nga fundraising para sa treatment sini.
Bulan sang Septyembre sini nga tuig, sa labing-una nga tion sa sulod sang 18 ka bulan, na-discharge na sa ospital si baby Robyn.
