Nag-isyu sang 30 ka adlaw nga ultimatum ang United States batok sa Israel agod maghatag sang ligwa nga mas mapasanyog ang huminatarian aid sa Gaza.
Posible nga paga-untaton sang US ang military aid para sa Israel kun indi magpahanugot sa amo nga kasulatan.
Ginhimo sang Biden administration ang amo nga abiso pinaagi sa sulat nga ginpadala mismo sa gobyerno sang Israel kag ini ang ginkabig nga pinaka-pormal nga pag-issue sang abiso sa kaalyado nga pungsod sumugod ang kinagamo sa Gaza.
Ginpermahan nanday US Secretary of State Antony Blinken kag Defense Secretary Lloyd Austin ang amo nga sulat.
Nalakip sa sulat nga ginpunggan sang Israel ang halos 90% ka mga humanitarian aid nga ginpadala sa Gaza sang nakaligad nga bulan.
Gina-review sa karun sang Israel ang amo nga formal letter sang US agod mahibaluan kun ano ang nagakadapat nga tikang.
