Opisyal na nga nagbukas 2nd MassKanamit Culinary Showdown kag ika-8 nga Sabor Bisaya Food Expo sa SMX Convention Center, Ciudad sang Bacolod kahapon nga adlaw Oktubre 16, 2024.
Ang opening ceremony sang aktibidad ang ginpangunahan ni Bacolod City Councilor Cindy Rojas, upod ang Bacolod Masskara Festival Chairman Jojie Dingcong, HRANO President Roberto Magalona, kag Bacolod Yuhum Foundation Food Committee Chairperson Ana Tison.
Ang MassKanamit Festival nagapakita sang manggaranon nga gastronomid culture sang Bacolod nga ginpakita paagi sa mga obra maestra sang masobra 300 ka mga partisipante gikan sa nagkalain-lain nga culinary kag hospitality schools sa bug-os nga Isla sang Negros.
Dugang pa nga ang cook fest sini nga tuig nagapakita sang mga innovation nga nagapadaku sang mas lokal kag tradisyonal nga mga pagkaon, lakin ang bantog nga laswa kag ang popular nga KBL (Kadyos, Baboy, Langka) nga isa ka tatak nga pagkaon sang Bisaya. Nalakip man sa aktibidad ang kompetisyon sa pica-pica, cake, street foods, kag madamo pa. Magatakop ang Masskanamit Festival subong nga adlaw Oktubre 17 nga pagasundan sang awarding ceremony.
Nagtambong sa kahiwatan sanday Councilor Councilor Claudio Puentevella kag Bacolod Yuhum Foundation (BYF) officials, President and Festival Director for Finance, Admin, Concerts, Events, and Fair, Katherine Matiling; Secretary and Festival Director for Cultural and Accredited Events, Kuster Y. Cadagat; kag ni Treasurer and Festival Director for Good Governance, Finance, Procurement, and Admin, Jericho Redil.
