Nagapabilin nga suspendido ang klase sa pribado kag pampubliko nga buluthuan sa ciudad sang Bacolod kag duha pa ka Local Government Unit (LGU) sa Negros Occidental subong nga adlaw Oktubre 22, 2024.
Ini ang ciudad sang Bacolod kag Talisay kag ang banwa sang EB Magalona lunsay mga nagdeklalar man sang suspension sang klase kahapon Oktubre 21, 2024.
Ang kanselasyon sang klase ang kasunod sang mabaskog nga pag-ulan kag pagtaas sang tubig nga nagresulta sa pagbaha tuga sang Tropical Depression Kristine nga nagsulod sa pungsod Pilipinas kahapon nga adlaw. Ginalauman ang padayun nga pag-inulan tubtob sa maabot nga sabado, Oktubre 26 kun sa diin may posibilidad nga mangin isa ka typhoon si Tropical Depression Kristine.
Ginapanugyan man ang mga pumuluyo sa tagsa ka mga ciudad kag kabanwahanan nga magpadayun nga mangin alerto kag mag-aligmat sa lakat sang panahon.
