Himala nga nakasalbar pa ang isa ka 46-year-old nga Russian apisar 67 dias ukon masobra sa duha ka bulan ini nga naga utaw-utaw sakay sa inflatable boat sa matugnaw nga baybayon sa Eastern Russia.
August 19 sang nagpalayag si Mikhail Pichugin sa baybayon kaupod ang iya 49-anyos nga utod nga si Sergey kag 15 year-old nga hinablos agud kun tani magpadulong sa Sakhalin Island.
Apang inadlaw na ang makaligad, wala sa gihapon sang may nabaton nga update ang pamilya sang mga ini amo kun ngaa gindeklarar nila nga “missing” sanday Mikhail.
Nagpatigayon sang search and rescue operation ang otoridad agud makita ang inflatable boat, apang, napaslawan ang mga ini.
Makaligad ang masobra duha ka bulan, sini lang nga October 14, nakita si Mikhail sang isa ka mananagat sa baybayon sakop sang Okhotsk, kapin 670 miles ang kalayuon sa diin naghalin sila Mikhail, kag diri natigayon siya nga na-rescue.
Masubo lang bangud ang utod kag hinablos sini ang nagtaliwan na bangud sang katugnawon kag pagkalumos.
Palamangkutanon sa kaadam-an sa karon kun paano naka-survive si Mikhail. Nagapati ang asawa sini nga siguro ini bangud man sa weight sang iya bana nga amo ang 220 pounds pa antis ang insidente kag karon 110 pounds na lang.
Karon, nagabatyag si Mikhail sang kondisyon nga hypothermia kag nagapaayo sa ospital.
Ini ang posible pa magapangatubang sang kaso nga paglapas sa safety rules kag pagka priso tubtob sa pito ka tuig.
