Nagapanawagan karon si Early Hinojales sa sin-o man nga nakakita sa iya utod kag upod sini nga wala nakapauli matapos nga nagpangisda pasado las-11 kahapon sang aga, Oktubre 24, sa bahin sang baybayon sa Brgy. Zone 1, ciudad sang Cadiz.
Ginkilala ang mga mangingisda nga sanday Edwin Hinojales, 17-anyos kag Joren Parochel, 22-anyos, lunsay residente sang Talabaan Park Pasil, Barangay Zone 1, sa nasambit nga ciudad.
Suno kay Early Hinojales, matapos nga nagpalawod kahapon ang iya utod, wala na ini nakabalik kag sa diin ang duha ang nagpangisda sakay sang pump boat nga may double engine kag nagaduag puti, orange kag yellow.
Gilayon naman nga nagapatigayon sang search and rescue operation ang mga katapo sang Philippine Coast Guard (PCG) Coast Guard Station Northern Negros Occidental Cadiz City.
Para sa impormasyon, magpakig-angot sa RMN DYHB BACOLOD ukon kay Isidro Pablo sa numero 09365232812.
