Liwat nga nakuha sang Brgy. Granada sa ikatlo nga kahigayunan ang kampeonato sang ika-45 nga Masskara Festival Street Dance and Arena Competition 2024, nga ginhiwat sa Paglaum Sports Complex, Oktubre 27.
Nakuha man sang barangay ang titulo nga Best in Music Arena and Street Competition, Theme and Concept, Mask and Costume, Bacolod Yuhom Foundation award, kag isa ka sponsor award nga nagalab-ot sa masobra P1,225,000 nga balor sang mga padya.
Ini na ang ikaduha nga kahigayunan nga nakuha sang Granada ang grand slam victory sa tuigan nga Masskara Festival. Una nga nangin grand slam champion ang Granada sang 2014-2016 kag halin naman 2022 tubtob sini nga 2024.
Sa pihak nga bahin nangin 1st runner up ang Barangay Bata nga nakakuha sang P500,000 nga premyo kag 2nd runner up naman ang Barangay 12 nga nagpuli man sang P300,00 nga padya kag ginkilala bilang Pillar of Masskara.
Matapos ang arena competition sa Paglaum Spors Complex kagab-i, isa ka drone show kag fireworks display ang ginpatigayon.
