Ginpahanugutan ni Mayor Albee Benitez ang pagbukas sang food kiosks sa tatlo ka Masskara Festival sites tubtob sa katapusan sang Oktubre agud makabawi ang mga vendors.
Kadungan sang ElekTroika Diva and Float Parade sang Sabado, gin-anunsiyo ni Mayor Albee nga extended ang pagbukas sang food kiosks tubtob sa Oktubre 31 sa Bacolod Public Plaza, BCGC, kg The Upper East.
Ini ang nahisugtan sang konseho kag Yuhum Foundation bilang konsiderasyon sa mga vendors kasunod nangin maulanon nga panahon antes ang highlights nga nag-resulta sa manubo nga benta.
Kasunod sini, personal nga maga-donate ang alkalde sang food vouchers kag stamps nga nagabalor sang ₱2.5 million para makabawi ang food kiosks kag ini ang aregluhon sang City Council kag Yuhum Foundation.
