Ginhambalan ang mga pagpanghanda sa aktibidad sang Bulkan Kanlaon upod sa meeting sa Office of the Civil Defense (OCD) Region 6 kahapon sa banwa sang La Castellana.
Ang nasambit nga meeting ginpangunahan ni OCD-6 director Raul Fernandez sa diin nagtambong man si Mayor Alme Rhummyla Nicor-Manguilimutan, Negros Occidental Police Provincial Office (NOCPPO) Director, Police Colonel Rainerio de Chavez kag Regional Disaster Risk Reduction and Management Council (RDRRMC).
Diri ginhambalan ang mga preparasyon, madasig nga pagresponder kag mitigation sa risgo sang mga aktibidad sang bulkan.
Madumduman nga sang Oktubre 28, 2024 narekord ang 5th highest sulfur dioxide emission sang Bulkan Kanlaon nga nagdangat sa 10,074 tonnes/day.
