May person of interest na ang Bacolod City Police Station 10 sa nagluthang-patay sa anay kagawad sang Barangay Buenavista sa banwa sang Murcia pasado las-12 sang tungang udto, Lunes nga adlaw, Nobyembre 4 sa bahin sang Zone 1, Barangay Handumanan ciudad sang Bacolod.
Ang biktima ang ginkilala nga si Henry Salbibia, caretaker sang propedad nga ginapanag-iyahan sang Non-Governmental Organization (NGO), kag nagsaulog sang ika-60 nga kaadlawan kahapon nga adlaw.
Ginpahayag ni Police Captain Sherwin Galopar, Station Commander sang PS10, nakita sa cctv footage nga ginasundan sang suspetsado ang biktima nga nagasakay man sang motorsiklo.
Sa inisyal nga imbestigasyon, gintuparan si Salbibia sang suspetsado kag gilayon nga siya ang gintiro sa ulo nga gintunaan sang iya kamatayon.
Santo sa CCTV footage, ang suspetsado ang nagamaneho sang NMAX nga motorsiklo, nagasuksok sang jacket, kag helmet. Narekober sa crime scene ang isa ka basiyo sang bala, motorsiklo sang biktima, identification card, kag iban pa niya nga mga kagamitan.
Gintingwaan pa sang PS10 nga madakpan ang suspetsado apang ini ang nakapalagyo. Padayon pa ang imbestigasyon sang mga kapulisan natuhoy sa motibo sa pagpatay kay Salbibia bangod wala ini sang rekord nga reklamo sa barangay.
