Nangin madinalag-on ang mga estudyante sang Ramon Torres National High School (RTNHS) sa Bago City matapos sang mga ini napauli ang gold nga medalya sa ginpatigayon nga International Robotics Competition sa World Innovation Challenge sa Chongnam National University, Gwangju, South Korea, tinalikdan nga Nobyembre 2 kag 3, 2024. Naghatag sang bugal sa ciudad sang Bago kag sa bilog nga probinsya sang Negros Occidental sanday Erichjoy Grande kag Marciela Valdez lunsay Grade 10 Science,Technology, Engineering, Mathematics (STE) students. Sila ang gin-updan sang ila mga coaches nga sanday Cynthia Laurente, Wendy Tingson, kag Joel Lachica. Present kag naghatag man sang suporta sanday RTNHS OIC Principal Mary Jane Araneta kag Science Department Head Gemma Fe Torres. Ang ini nga kadalag-an ang pamatuod sang nangin dedikasyon kag pagtinguha sang mga estudyante agud mangibabaw sa patag sang teknolohiya.
