Nakuhaan sang P1.7 million nga suspected shabu ang mag-abyan sa buy bust operation sa Purok Gonzaga, Barangay Taculing, ciudad sang Bacolod, las-11:47 sang gab-i, Noviembre 6,2024. Ginkilala ang mga suspek nga sanday Herliza Murillo, 27-anyos kag Judy Libo-on, 30, pintor, kag lunsay residente ang mga ini sang nasambit nga lugar. Ginakabig ang duha nga mga high value individual (HVI). Nakuha sa mga suspek ang 10 ka plastic sachet sang suspected shabu kag iban pa nga drug paraphernalia. Priso karon ang duha sa Police Station 6.
