Isa ka bangkay sang lalaki nga ginputos sa sako ang nakit-an sa sea wall sa BredCo Port nga sakop sang Brgy. 2, Bacolod City kagab-i.
Suno kay Police Major Eugene Tolentino, commander sang Police Station 2, pasado las-6 kahapon sang aga may mga residente na nga nakakita sang sako apang wala nila ini ginsapak bangud ila gindumdom nga basura.
Apang pasado las-6 kagab-i, gin-report na ini sa barangay kag sa Police Station 2 kag sang gintsekyar nakit-an nga bangkay sang isa ka lalaki ang naputos sa sako nga ginhigot sa sea wall agud ini maanot sa tubig.
Suno kay Tolentino, nakasuksok sang itom nga shorts ang biktima kag nakagapos sang kalat ang tiil sini. Sa karon, gindala na sa isa ka funeral home ang bangkay. Wala naman sang nareport nga missing person sa sakop sang Police Station 2 suno kay Tolentino.
