Isa sa mga ginabantayan gid nga beauty pageants sa kalibutan amo ang Miss Universe, halos tanan nakatutok kada tuig kun ano nga pungsod ang koronahan. Kag ang mga korona sa ini nga kompetisyon ang indi basta-basta. May yara sang ubra sa materyal kaangay sang diyamante, malahalon nga crystal, rhinestone, bronze ukon gold. Apang sini nga tuig, isa ka pinoy ang nangamot sa pag-ubra sang crown para sa nasambit nga international pageant. Kag ang main nga materials sini amo ang Golden South Sea Pearl sang Pilipinas! Ang magadaog sa 73rd Miss Universe ang magapauli sang “Lumière de l’Infini Crown.” Halos nakibot ang kadam-an ilabi na ang mga Pinoy sang ginlunsar sang Filipino-French luxury brand Jewelmer ang Miss Universe crown kahapon. Pahayag sini nga ang ini nga precious gem ang simbolo sang co-existence sang tawo kag sang dunang manggad. “As long as there is a pearl, there is life shining through every moment,” sambit pa sang kumpanya. Lumière buot silingon “light” kag l’Infini ukon “infinity,” ini amo ang nagasimbolo sang korona kag isa lang sa 130 ka nga beauty queens ang magapauli sini.
