Nabaton sang mga winners sang nagkalain-lain nga competition ang ila cash prizes sa ginpatigayon Masskara Festival 2024. Nagdangat ang total cash prizes sa kapin P2.6 million gikan sa Bacolod Yuhom Foundation. Nabaton sang Barangay Granada ang grand prize nga P1 million bilang champion sa ginapatigayon nga street and arena dance competition kag ang dugang nga premyo para sa ila special award bilang Best in Theme and Concept, Music, Head dress and Costume, kag nakabaton sang award bilang Bacolod Yuhum Choice Award nga naglab-ot sa P90,000. Nakabaton naman sang P500,000 ang Barangay Bata bilang 1st runner-up samtang Php 300,000 naman ang nabaton sang Barangay 12 nga ginkilala nga 2nd runner up. Makabaton naman sang P75,000 ang nga Champion sa Elektroika Diva, samtang P30,000 ang para sa Barangay 29 nga 1st runner up kag P20,000 para sa Barangay Pahanocoy nga daug bilang 2nd runner up. Sa bahin naman sang Electric Masskara Float Parade winners makabaton liwat ang Barangay 29 sang P300,000 bilang champion, P200,000 1st runner up nga amo ang Barangay Pahanocoy kag P150,000 sa Barangay 17 bilang 2nd runner up.
