Ang probinsya sang Negros Occidental ang kilala sa bilog nga pungsod sa mga pagkaon nga nag-originate diri kag kalabanan, mga matam-is nga delicacies.
Matuod nga “place filled with sweet surprises.”
Kilala bilang global food hub for slow food ang Bacolod City sa probinsya sang Negros Occidental amo kun ngaa ginapreparahan na ang pag-host sa maiden edition sang Terra Madre Asia-Pacific sini nga November 2025.
Naga-isahanon ang ciudad sang Bacolod indi lamang sa bilog mga Pilipinas kundi sa bug-os nga Asia Pacific sa pag-host sang nasambit nga event.
Una na ginpirmahan ni Bacolod City Mayor Albee Benitez ang memorandum of agreement upod ang Slow Food International sa ginpatigayon nga event sa Terra Madre Salone del Gusto sa Turin, Italy tinalikdan nga Setyembre.
Ang “Slow Food ang isa ka movement nga nag-umpisa sa pungsod Europe nga naga-promote sang sustainable gastronomy.
Pila sa mga produkto sang Bacolod kag Negros Occidental ang gin-feauture na kaangay na lamang ang coffee, cacao, lechon heirloom rice, langka salad, kag chicken inasal sa pag bukas sang “Salu-Salo : Philippines Good, Clean and Fair Fiesta!” sa Turin, Europe.
Ginpahayag ni Negros Occidental Governor Eugenio Jose Lacson nga ang slow food movement ang indi lamang isa ka welcome campaign, apang ini isa ka pagbaylo sa sustainable food system.
Ginaselebrar man sini ang bugal sang Negrense food heritage samtang ginaprotektahan man ang biodiversity lokal nga kumunidad.
Suno kay Philippine Consul in Milan Elmer Cato, dalayawon ang slow food Philippines bangud sa pag advocate sini sa paghatag solusyon agud protektahan ang palibot, cultural heritage kag food accessibility.
Karon, nagaselebrar ang Bacolod City kag Probinsya sang Negros Occidental sang 2nd Slow Food ukon Terra Madre Visayas sa diin tagsa ka mga banwa kag Ciudad sa Negros Island pati na sa Panay Isaland ang nagtipon para i-display ang ila mga produkto sa Capitol grounds.Ini ang magalawig tubtob Nobyembre 23, 2024.
