Basta gani bayo ang ginabaligya, mas ma ganyat gid ang mga manog bakal kun may mannequin ini agud mas ma apresyar kag makita ang bayo “when worn.”
Isa ka kilala nga Chinese clothing store ang nakakuha sang atensyon sang publiko bangud sang marketing strategy sini.
Mga tawo nga models ang nakadisplay sa bintana sang store kag wala lang sila naga tindog kag naga-pose kundi, nagalakat pa sa treadmills
Literal nga “thinking outside the box” ini ang ginpamatud-an sang marketing team sang ITIB.
Pahayag sang kumpanya nga luyag nila ipakita sa mga customers kun ano ang aktwal nga itsura sang ila mga ginabaligya nga bayo kun ginasuksok ini kag kun gamiton mag-giho.
Pila sa mga netizen ang nagpabutyag nga OA kag papansin masyado ang ini nga gimick.
May ara man sang nagasiling nga makabig “dehumanization” kag exploitation ang ginaubra sang ITIB sa iya sini mga hubin nga models.
Kun tawo nga model lang tani, wala gid sang problema apang, nagpakumplikado lang ang pagpalakat sa ila sa treadmills.
Palamangkutanon sang kadam-an, amo sini bala ang future sang fashion ukon isa lang ini ka pauso?
