CANDONI- Nagdangat na sa walo ka mga ginapatihan miyembro sang remnants sang South West Front New People’s Army ang nagtaliwan sa engkwentro nga nagluntad sa Barangay Gatuslao, banwa sang Candoni.
Ginpahayag ni Police Major Nelson Amsiwen, hepe sang Candoni Municipal Police Station matapos ang engkwentro nga nagluntad sadtong Nobyembre 21 nga nagresulta sa kamatayon sang pito ka indibidwal, liwat nga nagluntad ang engkwentro sang Nobyembre 22 nga nagresulta sa kamatayon sang dugang nga isa pa ka lalaki.
Naglawig sa kapin walo ka minutos ang engkwentro nga nagluntad sa tunga sang rebelde kag 15th Infantry Battalion. Matapos ang ikaduha nga engkwentro, nasapwan ang bangkay sang ginapatihan rebelde kag narekober ang isa caliber .45, personal nga kagamitan, kag subversive documents.
Samtang natigayon na nga malubong ang dugang nga isa ka bangkay sa amo nga banwa kag nagapabilin nga wala sang identity. Sa karun padayon ang pursuit operation kag clearing operation sang awtoridad sa lugar.
