Nasapwan nga wala sang kabuhi ang isa ka amay nga ginapatihan nga may igo sang luthang tinalikdan nga Nobyembre 23, sa bahin sang Sitio Omas, Brgy. Camindangan ciudad sang Sipalay.
Suno sa kay Police Captain Michael Muñez ang Deputy Chief of Police sang Sipalay City PNP, nahibaluan nga nasapwan sang bata sang biktima ang iya amay nga wala na sang kabuhi nga nagahamyangon kag dugu-on.
Dugang pa, nakita nga may igo sang pagluthang ang biktima kag ini ang gilayon pa kuntani nga gindala sa ospital apang ini ang gindeklarar nga dead on arrival.
Padayon pa ang imbestigasyon sang kapulisan sa insidente kag kon ano ang motibo sang kamatayon sang biktima.
