Ano bala dapat kalawig ang isa ka date ilabi na sa tawo nga bag-o mo pa lang nakilala?
Valid bala nga rason nga kun indi ka komportable kaupod niya, lagyuhan mo siya?
Isa ka babayi sa Auburn, Alabama, USA ang may uyat sang world record nga “shortest first date — ever!”
Suno kay Maggie Smith, 32-anyos, may nakilala siya nga isa ka lalaki sa dating app kag sang naglawig ang ila pag istoryahanay, nagsugtanay sila nga mag meet up.
Diri nagkitaay sa gwa sang isa ka restaurant sanday Maggie kag ang iya ka-date sa diin ginkup-an pa siya sini, kag ginpamangkot kun nagutom na siya kag kun luyag niya magkaon.
Diri nagsulod sila sa restaurant apang wala pa gani sila nakapungko, ginpapundo siya anay sang lalaki kag ginhingyo kun pwede sila maka-istoryahanay.
Diri gilayon sila nag gwa sa restaurant kag nagprangka ang lalaki nga “I’m sorry. I’m just not feeling it.”
Daw natulala naman si Maggie sa iya nabatian apang wala na siya naglaot pa.
Palamangkutanon karon kay Maggie kun ngaa 45 seconds lang gid ang kalawigon sang iya first date.
Suspetsa sini, nga basi na turn off ang lalaki sa dako sini nga lawas apisar wala man niya ini ginatago sa dating profiles.
Nanugunan lang siya bangud nagkadto lang sa wala ang iya ginpreparahan kag ginpagwapahan.
Suno kay Maggie, bukas siya gihapon makipag-date, apang sa subong, ginpakamaayo sini nga i-delete anay ang iya dating app agud maka focus ini sa pag heal sang iya mental health.
