Nadiskubrehan sang mga katapo sang 302 Infrantry Brigade ang isa ka kampo sang mga ginapatihan New People’s Army (NPA) sa boundary sa bahin sang banwa sang Hinoba-an kag Ilog, Nobyembre 24, 2024.
Sa interview sang DYHB sa Commander, 302nd Infantry Brigade nga si BGEN Joey Escanillas iya ginpahayag matapos ang duwa ka magkasunod nga engkwentro sa tunga sang military kag mga katapo sang ginapatihan NPA nakadiskubre sang lugar nga nangin kampo sang ini.
Suno kay Escanillas nga “strategic” ang lugar kag ang pagplastar sini bangud malapit ini sa suba nga pwede kuhaan sang supply sang tubig subong man accessible ini sa bisan diin nga bahin sang direksyon.
Ginpahayag ni Escanillas nga lokasyon sang kampo ang may kalayuon sang 2 ka kilometro sa mga residente kag indi ini sarang ma locate ukon makita kun-pagagamitan sang “drones” ukon mga devices.
Dugang pa ni Escanillas nga ang kampo ang may malapad nga kusina kag may mga Comfort Rooms kag ginapalibutan ini sang kahoy. Padayun naman nga nagapatigayon sang tracing kag imbestigasyon ang mga katapo sang 302 IB sa mga ginapatihan NPA natuhoy sa posible lokasyon sang mga ini.
