Gin-deny ukon ginbasura sang Office of the Ombudsman Visayas ang gin-file nga motion for reconsideration nanday suspended Punong Barangay Hercy Sibug, Kagawad sini nga si Bernabe Sibug kaupod ang Barangay Treasurer nga si Edmar Base.
Ang desisyon ang sandig sa ginpagwa sang Graft Investigation and Prosecution Officer II sadtong Oktubre 17, 2024 kag gin-apbrubahan naman sang Deputy Ombudsman for the Visayas tinalikdan nga Oktubre 21, 2024.
Madumduman nga una na nga gindagdagan sang suspension ang nasambit nga elected officials sang Ombudsman Visayas sang tatlo ka bulan nga wala sang sweldo.
Ini kasunod sang reklamo nga ginpasaka sang complainant nga si Cresenciano Torres batok sa mag-asawa nga Sibug kag sa kag Treasurer bangud sa Simple Misconduct.
Una na nga ginpahayag sang complainant sang nag-utang ang mga ini sang 2019 sang P140,000 para i-sweldo sa ila nga kagawad, barangay personnel lakip na ang ila mga tanod kag barangay health workers kag nagdemand na si Torres nga siya ang bayaran.
Enero 15, 2020 sang ginhatagan naman ini sang cheke bilang bayad apang ang nasambit nga cheke ang nakapangalan sa Land Bank of the Philippines kag pirmado ni Bernabe nga amo sadto ang punong barangay kag sang treasurer nga si Base.
Suno sa desisyon sang Ombudsman Visayas nga bangud sa substantial evidence, ini ang nagtulod sa tatlo ka mga suspended officials sang suspension sa serbisyo kag wala sang sweldo sa sulod sang tatlo ka bulan.
