Nasunog ang isa ka multicab nga may karga nga isda sa Purok Paghidaet, Brgy. Alijis, Bacolod City pasado las-10 sang gab-i, Noviembre 25, 2024.
Sa interview sang DYHB sa tag-iya sang multicab nga si Dennis Agripina, ginbukad sini ang karburador sang iya salakyan bangud nagbisyo ang fuel pump apang nalipatan sini nga kakason ang battery rason nga nag-spark.
Gilayon naman nga nagbulig ang mga residente sa lugar sa pagbasya sang tubig sa salakyan rason nga napalong ang kalayo. Gikan sa Central Market si Agripina kag pauli na kuntani sa Phase 6B, Brgy. Handumanan, Bacolod City sang nagluntad ang insidente.
