Inug-gulo na tani sa kalayo ang lawas sang isa ka lalaki nga Indiano matapos ini gindeklarar nga “dead on arrival” sang doktor.
Apang ginkakibot sang kadam-an ang hinali lang sini pagbangon.
Si Rohitash Kumar, isa ka 25-year-old Indiano ang nagasuprer sa problama sa paghambal kag pamatin-an ang ginmasakit kag gin dala sa ospital sa jhunjhunu sa western state sang Rajasthan tinalikdan November 21.
Suno sa Indian media, gin atake sang kuyap si Kumar kag gindeklarar ini sang doktor nga patay na.
Problema lang bangud wala sang may ginpatigayon nga postmortem examination agud matumod kun ano ang kinamatyan sini.
Mas lala pa bangud gindala sa mortuary ang lawas sini para sunugon bilang pagsunod sa Hindu rites.
Suno sa chief medical officer nga si Dr. Singh nga bag-o lang nagsindi kalayo ang crematory sang nag amat-amat gihu ang lawas ni Kumar.
Gilayon ini naghambal nga buhi pa siga kag naga ginhawa.
Gilayon ini gindala sa ospital apang pagka-bwas, napatay ini.
Bangud sang natabo, tatlo ka mga doktor ang ginsuspende sa trabaho samtang nagapadayon naman ang imbestigasyon sang mga kapulisan.
