WORLD NEWS- Nagsugod na ang ceasefire sa tunga sang Israel kag Hezbollah matapos nga ginpermahan ang kasugtanan nga ginpreparar sang pungsod United States kag France, sini nga Nobyembre 27, matapos ang masobra isa ka tuig nga kinagamo sa Lebanon.
Ang amo nga development ang magahatag sang paglaum matapos ang kinagamo nga nagluntad, kag nagresulta sa kamatayon sang linibo ka tawo.
Nakigsugilanon naman nanday Israeli Prime Minister Benjamin Netanyahu kag Lebanon Prime Minister Najib Mikati natuhoy sa ceasefire, suno kay US President Joe Biden.
Suno kay Mikati, bukas siya sa kasugtanan natuhoy sa ceasefire kag ginkabig ini nga isa ka tikang padulong sa kalinong sang pungsod kag pagpahanugot sa sibiliyan nga makabalik sa ila mga panimalay.
Apang indi naman magduha-duha si Netanyahu nga magpang-atake kun may ginlapas sa kasugtanan ang Hezbollah.
