Magaserbe si Bacolod City Vice Mayor El Cid Familiaran bilang acting mayor sa ciudad sa sulod sang apat ka adlaw sugod kahapon, tubtob Disyembre 2, 2024.
Ini bangud magapadulong sa Japan si Mayor Albee Benitez kaupod ang mga konsehal kag pila ka mga punong barangay sang ciudad.
Suno kay Familiaran, wala na sa karon sang naka-pending nga mga ulobrahon ang mga konsehal kag ila karon nga gina-tutukan ang approval sang P4.5 billion nga executive budget para sa 2025.
Samtang magaserbe naman nga acting Vice Mayor si Councilor Renecito Novero.
