Nagdeklarar sang class suspension ang 12 ka mga Local Government Unit sa Southern Negros Occidental sa tanan nga level sa pribado kag pampubliko nga eskwelahan matapos ang paglupok sang Bulkan Kanlaon subong nga adlaw, Disyembre 9, 2024.
Ini amo ang ciudad kag kabanbawahanan sang Bago, Pulupandan, Valladolid, La Carlota, San Enrique, Pontevedra, La Castellana, Moises Padilla, Isabela, Hinigaran, Binalbagan kag Himamaylan.
Padayun nga suspendido ang klase sa nasambit nga mga ciudad kag banwa bwas nga adlaw, Disyembre 10 apang iban sa mga diri ang magahulat sang deklarasyon gikan sa LGU kun magabalik na ang klase sa madasun nga mga inadlaw.
Samtang sa banwa sang Murcia suspendido ang klase sa Brgy. Minoyan, San Miguel, Sta. Rosa kag Pandanon halin kahapon, Disyembre 9, until further notice.
