Ginpabutyag ni Bacolod City Councilor Israel Salanga ang mensahe nga tuyo ipalab-ot ni Mayor Albee Benitez sa mga Job Order sang ciudad nga kakason ang mga ini kun mapamatud-an nga naga intra sa eleksyon. Ini sandig sa facebook post ni Salanga matapos ang discussion sini kaupod ang alkalde kahapon, Disyembre 11, 2024. Base sa facebook post sang konsehal nga ginadumili-an ang aktibo nga pagpangampanya sandig sa Civil Service Circular No. 001 Series of 2016. Ginpahayag man ni Salanga nga ang mensahe ang magaserbe nga “warning” sa mga nagahimo sini.
