Nag-ilig ang ginapatihan lahar flow sa overflow sa bahin sang Moises Padilla padulong sa banwa sang Isabela subong kahapon, Disyembre 15.
Makita sa tubig sang overflow nga ini ang nagaduag sang gray kun sa diin ginapatihan may dala ini nga abo nagikan sa Bulkan Kanlaon.
Madumduman nga sang Sabado ginpaguwa na sang PHIVOLCS ang mapa nga nagapakita sang mga lugar nga posible maapektuhan sang pag-ilig sang lahar gikan sa 3 million metric tons sang ash deposits gikan sa paglupok sang bulkan sa Mt. Kanlaon tinalikdan nga Disyembre 9, 2024.
Suno sa PHIVOLCS “three times greater” ini nga mas madamo kun ipanggid sa 1 million metric tons sang ash deposits nga narekord sa tion sang nagligad nga paglupok sadtong Hunyo 3, 2024.
Sa posible nga Low Pressure Area (LPA), ginalauman ini nga magadala sang ulan sa sini nga semana samtang ang risgo sang ashfall nga mangin lahar flow ang nagataas.
