Ginalantaw sang mga katapo sang Bureau of Fire Protection- Western Visayas nga electrical in nature ang ginhalinan sang sunog nga nagluntad sa Bacolod Central Market sang tinalikdan nga Biyernes, Disyembre 13.
Santo sa rekord sang BFP, nagdangat sa 18 ka mga stalls ang totally damage kag 13 naman ang partially damage.
Ginpahayag ni Fire Chief Inspector Erwin Johannes Gimotea, Chief, Intelligence and Investigation Section sang BFP Regional Office 6, sila ang nagkoordinar sa BFP Bacolod natuhoy sa imbestigasyon sa sunog nga nagluntad.
Base sa nakuha nga ebidensya sa lugar, nakita ang madamo nga physical evidence sa bahin sang stall number 237, 238, kag 239 kun sa diin nahamtang ang mga karenderya.
Gina-alegar nagsugod ang kalayo sa ceiling portion sang merkado, nakita man sang BFP nga tuman na ka daan ang structure sini kag ini ang ginakabig na nga fire prone area.
Ginrekomendar ni Gimotea sa Local Government Unit nga kinahanglanon nga kay-uhon ang electrical connection sang merkado kag magpatigayon sang regular inspection sa lugar.
