Wala-tuo na ang lights on ceremony diri sa Pilipinas, padamo-damo christmas lights kag padako-dako Christmas tree ang labanan.
Halos tanan nga mga Local Government Unit, nagapa-indisanay.
Apang sa Carcar City sa Cebu, indi Christmas ornaments ang nagakabit sa Christmas tree kundi, tambutso.
Ini ang nahamtang sa sulod sang Carcar City Police Station, ang ini nga mga tambutso ang mga ginkumpiska kag gintipon sang mga kapulisan halin sa mga open pipe nga motorsiklo.
Komento sang iban nga mga netizen, indi man manami tulukon ang nagakinabit nga pipes apang may dala ini nga mensahe ilabi na sa mga motorista.
Samtang may iban naman nga nagasiling dapat ginasunod man ini sang iban nga ciudad ukon banwa.
Sa imo panan-aw mga kasama, pila ayhan ka open pipe- Christmas tree ang aton maubra diri sa ciudad sang Bacolod ukon Probinsya sang Negros Occidental?
