Naguba ang duha ka mga oil tanker sang Russia sa bahin sang Black Sea kag nagresulta sang oil spill, suno sa awtoridad.
Base sa ginpagwa nga video sang Russia’s Southern Transport Prosecutor’s Office, naguba ang panguna nga bahin sang isa ka tanker.
Ginapatihan nga naanod pa ang duha ka tanker antes ini nga nagpadulong sa nabaw nga porsyon sang baybayon.
Kapin isa ka tripulante sang barko ang na-report nga nagtaliwan sa amo nga insidente.
Nagamit ang rescuers sang mga tugboats, helicopters, kag nagdeploy sang masobra 50 ka mga personnel, amo nga natigayon nga masalbar ang 13 ka mga tripulante nagikan sa isa ka tanker.
Ginmanduan naman ni President Vladimir Putin nga magtukod sang isa ka grupo nga magpatigayon sa imbestigasyon sa nagluntad nga insidente.
