Nagdangat na sa 32 ka tawo ang ginbawian sang kabuhi matapos ang nagluntad nga stampede sa duha ka nagkalain-lain nga Christmas charity event sa Nigeria. Suno sa kapulisan, base sa nauna nga rekord yara lamang sa 13 ang nagtaliwan sa amo nga insidente. Madamo sang mga biktima ang nagkalalipungan bangod sa pagdagsa sang tawo nga luyag makakuha sang pagkaon. Nalakip sa mga nagtaliwan ang 22 ka mga pumuluyo nagikan sa Southeastern Anambra State sa banwa sang Okija, kun sa diin may isa ka philantropist ang nag-organisar para magpanagtag sang pagkaon sa mga tawo. Samtang ang napulo ka tawo nga nagtaliwan ang nagikan sa Abuja kun sa diin nag-organisar ang simbahan sang isa ka charity event agod maghatag sang pagkaon kag mga panapton.
