Apang sa interview sang DYHB sa Radio Operator sang Victorias Disaster Risk Reduction and Management Office, may pila ka mga individual nga nagpanaog sa salakyan kag nagbalik sa ila puluy-an matapos nakit-an nga nag amat-amat na hubas ang tubig bangud nag-untat na ang ulan. Pasado las-4 kahapon sang hapon sang nagsugod ang inulan sa ciudad. Samtang may ginpatigayon man nga rescue operations sa mga ginabaha sa Cadiz kag Manapla. Suno sa Cadiz City Disaster Risk Reduction and Management Office (CDRRMO) may gin-deploy na sila nga duha ka truck para magpatigayon sang rescue operations. Ginkumpirmar man sang Manapla Police Station nga may ginpatigayon man nga rescue operations sa mga ginbaha nga residente.
