Nagdangat sa P32,347,940.59 ang kahalitan nga gintuga sang paglupok sang Bulkan Kanlaon sadtong Disyembre 9 sa sektor sang agrikultura. Base sa report sang Office of the Provincial Agriculturist nga ginpaguwa Domingo sang aga, Disyembre 22, pinakadaku nga kahalitan ang nabalhag sa mga high value commercial crops sa La Castellana, La Carlota City kag Bago City nga nagdangat sa P29,268,182.06. Ginasundan sang kahalitan sa bugas sa nasambit nga mga lugar nga nagdangat naman sa P2,576,406.02. Samtang, nagbalhag naman sa P503,352.50 nga balor sang kahalitan sa pananom nga mais sa La Castellana kag Bago City.
