Ginahingyo karon ni Mayor Rex Jalando-on ang tanan nga government employees kag barangay workers nga mag-volunteer sa mga evacuation centers kasunod sang paglupok sang Bulkan Kanlaon. Sa iya nga social media post, ginpahayag sang alkalde nga ini ang husto nga tion magtanyag sang abilidad kag magboluntaryo sa mga evacuation centers. Suno naman kay City Social Welfare head Angie Gelongo, kinahanglan karon sang ciudad nga may magboluntaryo para sa data recording and processing, cooking and food distribution, entertainment and mental health support kag para sa clean-up and sanitation.
